مفيش حاجة بتهز العلاقة بين اثنين قد الخيانة … ومفيش تعدي بيسيب آثاره على الطرف إللي اتخان قد الخيانة …. إحنا بنعيش في فترة مفيش أسهل من الخيانة ومفيش أصعب من إنك تخبيها. إزاي نفهم أو نفسر إن طرف يبيع ويخون شريكه أو حبيبه عشان يعيش دقايق أو ساعات مع حد تاني؟ في إيه في الدقايق دي؟ … الدقايق دي بتدينا إية؟ … أو بندور فيها على إيه؟ وبعد اكتشاف الخيانة بنلاقي نفسنا وسط أسئلة كتير كلها أسئلة صعبة: ليه ده حصل؟ .. إزاي بنحب وفي نفس الوقت بنخون؟ .. هو خلاص لازم أمشي ولا فيه أمل؟ .. إزاي هنقدر نعيش مع بعض تاني بعد إللي حصل؟ .. إزاي كل ده حصل وأنا مش حاسة؟ .. وأسئلة كتير تانية. الكتاب هو محاولة للإجابة على الأسئلة الصعبة.